«Акадэмкніга» запрашае: 17 чэрвеня — аўтограф-сесія Альгерда Бахарэвіча з нагоды выхаду новай кнігі
Кнігарня «Акадэмічная кніга» (пр.Незалежнасці, 72). Пачатак а 16.00.
У сераду, 17 чэрвеня, ад 16 да 19 гадзіны, пройдзе аўтограф-сесія Альгерда Бахарэвіча з нагоды выхаду яго новай кнігі «Апошняя кніга пана А.»
«Я зайздрошчу дзецям. Ім дазволена верыць у казкі, а нам не. Болыш за ўсё на свеце дарослыя любяць казкі, але людзям сорамна ў гэтым прызнацца», — кажа герой новай кнігі Бахарэвіча. Каб сплаціць доўг крэдытору, пісьменнік-даўжнік піша казкі — і цэлы месяц кожны вечар чытае іх бессаромным дарослым. 3 кожным днём казачны свет апавядальніка робіцца ўсё больш рэальным, а рэальнасць, у якой адбываецца дзея, пачынае ўсё больш ператварацца ў казку — так што ўрэшце мяжа між фантазіяй і явай канчаткова сціраецца.
Бахарэвіч у «Апошняй кнізе пана А.» зноў расчыняе дзверы ў свой мастацкі свет: так падманліва знаёмы нам з навакольнай штодзённасці і так дзівосна нерэальны, трывожны, чароўны і страшны.
Падчас аўтограф-сесіі кнігу можна будзе набыць са зніжкай у 10%.
Кнігарня забяспечыць захаванне санітарных нормаў і патрабаванняў бяспекі ў часе імпрэзы.
Набыць гэту ды іншыя новыя выданні і бестселеры можна ў кнігарні «Акадэмічная кніга» (пр. Незалежнасці, 72).
РУП «Акадэмічная кніга» УНП 101462648
Каментары