Жыхары Мінска, у чыіх кватэрах былі праблемы з якасцю вады, не будуць плаціць за ваду за чэрвень. Пра гэта журналістам паведаміў намеснік прэм'ер-міністра Уладзімір Кухараў, перадае БелТА.
«Сітуацыя па пітным водазабеспячэнні ў Мінску знаходзіцца на пастаянным кантролі прэзідэнта. Па яго даручэнні ўрадам прынята рашэнне па вызваленні ад аплаты за паслугу водазабеспячэння за чэрвень жыхароў Мінска, у кватэры якіх паступала вада, што не адпавядала спажывецкім якасцям», — сказаў Уладзімір Кухараў.
Падрабязная інфармацыя пра тое, як менавіта будзе зроблены пераразлік, з'явіцца пазней. «Механізм прапрацоўваецца», — дадаў намеснік прэм'ер-міністра.
Цяпер чытаюць
Жонцы брытанскага дыпламата прысудзілі 7 гадоў калоніі за палітыку1
Каментары