Парламенцкая асамблея АБСЕ не зможа накіраваць назіральнікаў на прэзідэнцкія выбары ў Беларусь, паведаміў TUT.BY кіраўнік Камісіі па міжнародных справах Палаты прадстаўнікоў Андрэй Савіных.
Дэпутат падкрэсліў, што беларускія парламентарыі зацікаўлены ў тым, каб запрасіць на выбары калег.
— Але Парламенцкая асамблея АБСЕ ўжо сказала, што не зможа накіраваць сваіх назіральнікаў. Гэта звязана з эпідэміялагічнай сітуацыяй, — патлумачыў Савіных.
Пытанне з прысутнасцю міжнародных назіральнікаў «вісела» ў паветры да апошняга. У сярэдзіне чэрвеня кіраўнік ЦВК Лідзія Ярмошына пасля нарады ў Лукашэнкі заявіла, што Беларусь пачне запрашаць міжнародных назіральнікаў пасля рэгістрацыі кандыдатаў у прэзідэнты.
Крыху пазней кіраўнік МЗС Уладзімір Макей сказаў, што Беларусь усё яшчэ не адмаўляецца ад запрашэння міжнародных назіральнікаў, але будзе глядзець на эпідэміялагічную сітуацыю.
Тым часам паводле афіцыйных звестак каранавірус у Беларусі амаль пераможаны. Сёння Мінздароўя налічыла 199 новых выпадкаў, учора — 250.
Акрамя Парламенцкай асамблеі АБСЕ, вялікую місію назірання накіроўвае звычайна Бюро па дэмакратычных інстытутах і правах чалавека АБСЕ (БДІПЧ).
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары