Два злачынствы за паўгадзiны ўчынiлi два няпоўнагадовыя браты з Гродна.
Першай здабычай падлеткаў стаў «Опель Кадэт»: патрыманую iншамарку хлопцам удалося адчынiць i завесцi.
Аднак паездка была нядоўгай, бо машына сапсавалася i яе давялося пакiнуць. Тут iх i заўважылi пiльныя грамадзяне, якiя патэлефанавалi ў мiлiцыю.
Тым часам браты на iншай вулiцы ўскрылi «Аўдзi‑100», але завесцi яе iм не ўдалося. Выкраўшы з салона акустычныя дынамiкi, падлеткi пайшлi, але ў хуткiм часе iх затрымалi супрацоўнiкi «Аховы».
У дачыненнi да братоў узбуджаны дзве крымiнальныя справы па артыкулах «Крадзеж» i «Выкраданне аўтамабiля».
Каментары