«Людзей было!» Баяніст Віталь Варанко расказаў пра свае ўражанні ад шматтысячнага скандавання «Перамен»
Падчас праўладнага канцэрта ў Кіеўскім скверы ў Мінску двое хлапцоў за дыджэйскім пультам знянацку ўключылі «Перамен» Цоя. Натоўп сустрэў іх авацыямі. А баяніст Віталь Варанко, які быў на сцэне, стаяў агаломшаны.
Віталь — той самы артыст, які зняў кліп «Бацька» ў падтрымку Лукашэнкі.
Ён расказаў «Нашай Ніве», што на канцэрце яму заставалася выканаць літаральна дзве песні.
«Збіраўся прэзентаваць сваю песню «Ружовы абцасік». Яна зайшла б — там было шмат моладзі, і я хацеў разгайдаць яе», — дзеліцца артыст.
Баяніст кажа, што не крыўдуе на хлапцоў і нават не засмуціўся.
«Я сваю задачу выканаў. Таму пакланіўся, падзякаваў за падтрымку і вельмі інтэлігентна сышоў. Я толькі крыху расперажываўся праз натоўп. Бо людзей занадта шмат было! Звычайна для такой вялікай аўдыторыі ставяць сцэну, і яны не могуць так блізка падысці», — падзяліўся Варанко.
Цяпер чытаюць
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?5
Каментары