Прэзідэнт Польшчы Анджэй Дуда мае намер звярнуцца да лідараў 47 краін Рады ААН па правах чалавека з заклікам адрэагаваць на сітуацыю ў Беларусі. Пра гэта паведаміў кіраўнік Кабінета прэзідэнта Кшыштаф Шчэрскі:
«Гэта будзе заклік не заставацца абыякавымі да сітуацыі ў Беларусі і казаць аб тым, што адбываецца ў сваіх краінах, на сваіх кантынентах і ва ўсім свеце, каб пытанне Беларусі стала павесткай міжнароднай супольнасці, каб абараніць правы чалавека і грамадзянскія свабоды ў гэтай краіне. Ліст з гэтым заклікам будзе адпраўлены лідэрам ўсіх краін, якія, уключаючы Польшчу, засядаюць у Радзе ААН па правах чалавека».
Кшыштаф Шчэрскі таксама адзначыў, што сітуацыя ў Беларусі стане адной з галоўных тэм сустрэчы прэзідэнта Польшчы Анджэя Дуды з дзяржсакратаром ЗША Майкам Пампеа, якая пройдзе ў Варшаве ў 15 жніўня.
Каментары