Але дадаў, што праграме не стае выразна прапісаных механізмаў рэалізацыі і прагнозаў вынікаў яе ажыццяўлення.
Але дадаў, што праграме не стае выразна прапісаных механізмаў рэалізацыі і прагнозаў вынікаў яе ажыццяўлення.
«Прапановы разумныя і рэальныя, некаторыя з іх ёсць і ў нас, але застаецца пытанне механізмаў рэалізацыі», — так ахарактарызаваў антыкрызісную платформу Аб’яднаных дэмакратычных сілаў першы намеснік міністра эканомікі Андрэй Тур на прэс‑канферэнцыі 13 траўня ў Мінску.
Яго папрасілі распавесці пра апошняе паседжанне Грамадска‑кансультацыйнай рады пры Адміністрацыі прэзідэнта з удзелам экс‑старшыні Нацбанку Станіслава Багданкевіча і эканаміста Леаніда Заікі, на якое прэса не патрапіла. А. Тур пракаментаваў некаторыя пункты антыкрызіснай праграмы апазіцыі.
«Вось прапануецца павялічыць звольненым супрацоўнікам выплаты па беспрацоўі да памеру пражыццёвага мінімуму.
І дзе ўзяць такія грошы?
У праграме гэта плануецца зрабіць за кошт скарачэння штату чыноўнікаў, але, скажу я вам, на ўтрыманне чыноўнікаў у бюджэце закладзена толькі 0,8% сродкаў».
Кажучы пра рэформы ў сферы прадпрымальніцкай дзейнасці, намеснік міністра заўважыў: «Прапануецца вызваліць ад падаткаў зарэгістраваны ІП на тры гады. Мы ўжо праходзілі гэта — рэгіструецца чалавек, працуе, пакуль дзейнічае льготны падатковы рэжым і потым ліквідуе прадпрыемства. А праз пэўны час рэгіструе новае».
Чыноўнік назваў выдатнай ідэю эканамістаў АДС скараціць падатак у пенсійны фонд з 35 да 20%, але тут жа падкрэсліў, што пры гэтым не зразумела, якім чынам такі крок кампенсаваць.
Першы намеснік міністра некалькі разоў падкрэсліў, што пасыл у праграмы АДС харошы, але ёй бракуе выразна прапісаных механізмаў рэалізацыі, а таксама прагнозаў вынікаў яе ажыццяўлення.
Каментары