Меркаванні

«Улічваючы сістэматычнасць жорсткага абыходжання і катаванняў у дачыненні да вялікай колькасці беларусаў»

Чаму за здзейсненыя ў Беларусі злачынствы супраць чалавечнасці крымінальныя справы могуць заводзіцца ў іншых краінах, тлумачыць у сябе ў фэйсбуку палітолаг Андрэй Елісееў.

Генеральная пракуратура Беларусі супраць літоўскіх калег: хто мае рацыю?

Генеральная пракуратура Беларусі выбухнула крытыкай з нагоды таго, што літоўская пракуратура пачала праверку ўчыненых беларускімі сілавікамі дзеянняў у рамках універсальнай юрысдыкцыі. Мабыць, і заява беларускага МЗС таксама не прымусіць сябе доўга чакаць.

Заява беларускай Генпракуратуры пакліканая пераканаць грамадскасць, што літоўцы бясчынствуюць і пачынаюць беспадстаўна лезці ва ўнутраныя справы Беларусі.

Сітуацыя і праўда неардынарная: звычайна неабходная сувязь па тэрыторыі, грамадзянстве ці іншых прыкметах паміж дзяржавай, якая ажыццяўляе юрысдыкцыю (у дадзеным выпадку, Літвой), і разгляданымі (беларускімі) падзеямі.

Аднак тут сітуацыя адваротная: гэты вельмі рэдкі ў прававой практыцы інструмент (універсальная юрысдыкцыя) вынікае з беззаконня беларускіх органаў.

З часу Нюрнбергскага трыбунала і яго прысуду ў 1946 годзе лічыцца, што некаторыя злачынствы носяць такі сур'ёзны характар, што іх здзяйсненне кранае сумленне ўсяго чалавецтва і падрывае мір і бяспеку ўсіх дзяржаў. А таму даюць кожнай дзяржаве права пераследваць у судовым парадку тых, хто іх здзяйсняе, безадносна грамадзянства і тэрыторыі здзяйснення злачынства.

У гэтым і ёсць рэзон універсальнай крымінальнай юрысдыкцыі — забяспечыць здзяйсненне правасуддзя ў дачыненні да асоб, якія ўчынілі асабліва цяжкія злачынствы, любой дзяржавай. На месцы Літвы могуць быць і Украіна, і Чарнагорыя, і Уругвай.

Дарэчы, прынцып універсальнай юрысдыкцыі зафіксаваны і ў беларускім крымінальным кодэксе, а менавіта ў артыкуле 6.

Там сказана, што кодэкс прымяняецца незалежна ад крымінальнага права месца здзяйснення дзеі і грамадзянства ў дачыненні да генацыду, злачынстваў супраць бяспекі чалавецтва, ваенных злачынстваў і шэрагу іншых.

У апублікаваным месяц таму дакладзе АБСЕ прыводзіцца цытата Генеральнага сакратара Сусветнай арганізацыі супраць катаванняў аб тым, што ўлічваючы сістэматычнасць і маштабнасць прымянення жорсткага абыходжання і катаванняў у дачыненні да вялікай колькасці беларусаў, гэта «відавочна сведчыць аб злачынстве супраць чалавечнасці».

Таму ў дадзеным выпадку гаворка не пра ўмяшанне ва ўнутраныя справы Беларусі, а пра спробу Літвы забяспечыць правасуддзе ў рамках міжнароднага права, пад нормамі якога падпісалася ўся міжнародная супольнасць, уключаючы Беларусь.

Каментары

Цяпер чытаюць

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Усе навіны →
Усе навіны

Шуневіч з жонкай не выйгралі права на паляванне на мядзведзя. Конкурс праводзіла арганізацыя Шуневіча4

«Пякельная праца». Беларуска расказала, як зарабіць 200 рублёў у дзень на чарніцах

Прадставілі новую калекцыю школьнага адзення на будучы сезон ФОТЫ3

На лідара «Палаца» Алега Хаменку завялі крыміналку за супрацу з медыя3

Мінчане скардзяцца, што ў горадзе вельмі моцна смярдзіць. Санстанцыя кажа, што непакоіцца няма пра што5

Фэйкавая журналістка «Новая газета Еўропа» спрабавала ўзяць інтэрв’ю ў Паўла Латушкі4

Што насамрэч знаходзіцца побач з курскім пляжам, на якім ад украінскіх дронаў пацярпелі людзі4

Беларусы ва Уроцлаве плятуць маскіровачныя сеткі для Украіны1

На вайне ва Украіне загінуў расійскі актывіст, які быў супраць вайны і заклікаў не ісці на яе4

больш чытаных навін
больш лайканых навін

Польшча прызнала Аляксандра Машэнскага непажаданай асобай35

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць