У Гомелі затрымалі шматдзетную маці, якую раней судзілі за цацку, падобную да Лукашэнкі
Раніцай у Гомелі затрымалі шматдзетную маці Наталлю Глазкову. Як кажа яе сяброўка, Наталлю затрымалі на чыгуначным вакзале, калі яна прыехала з Гродна, піша Радыё Свабода.
Супрацоўнікі міліцыі спрабуюць трапіць у кватэру да сяброўкі Наталлі Аксаны Ліхадзіеўскай.
Сябровак судзілі за фотасесію з цацкай «Беларускі Пачакун». Жанчыны фатаграфавалі цацку ў зоне адпачынку, прыехала міліцыя нібыта па заяве нейкай жанчыны, што цацка падобная да Лукашэнкі.
Суд расцаніў гэта як несанкцыянаваны пікет.
У кастрычніку суд Навабеліцкага раёна Гомеля пакараў Глазкову штрафам за ўдзел у акцыях пратэсту. Перад гэтым яна адбыла ў ізалятары 4 дні.
Каментары