У Рэчыцы мужчына напаў на дзяўчыну, якая позна вярталася дадому з працы
Улетку гамяльчук прыехаў у Рэчыцу. П'яны мужчына выйшаў вечарам на вуліцу і з нажом напаў на незнаёмую дзяўчыну. Ёй удалося збегчы, паведамляе Следчы камітэт.
Гэта здарылася 29 чэрвеня каля поўначы. 23-гадовая дзяўчына вярталася дадому з працы праз прыватны сектар, калі на яе напаў незнаёмы мужчына. Ён падышоў ззаду і абхапіў яе рукамі. Калі рэчычанка пачала супраціўляцца, ён пачаў наносіць удары нажом. Ёй цудам удалося збегчы і звярнуцца па дапамогу.
Падазраванага затрымалі на працягу некалькіх гадзін. Ім аказаўся 23-гадовы гамяльчук, які прыехаў у Рэчыцу і спыніўся ў апусцелым доме. У той дзень ён выпіваў і нюхаў клей, а ўвечары, выйшаўшы на вуліцу, напаў на дзяўчыну.
Распачатая крымінальная справа за замах на забойства, здзейснены з асаблівай жорсткасцю. Мужчыну ўзялі пад варту.
Каментары