Мінгарвыканкам: Знакавы магазін «Акіян» нікуды не дзенецца, а застанецца на сваім месцы
Жарсці вакол сталічнага магазіна «Акіян», што на рагу праспекта Незалежнасці і вуліцы Казлова, не сціхаюць ужо некалькі дзён. Казалася, што крама нібыта пераходзіць у рукі новага ўласніка, а менавіта «Віталюра».
— Усё ў парадку, — патлумачыла «Мінск-навінам» начальніца Галоўнага ўпраўлення гандлю і паслуг Мінгарвыканкама Ніна Емяльянава. — Справа ў тым, што гэта памяшканне знаходзіцца ў дзяржаўнай уласнасці і яно здадзена ў арэнду таварыству з дадатковай адказнасцю «Магазін «Акіян». Калі крама адмаўляецца ад арэнды, то тады гэта памяшканне адправіцца на аўкцыён.
Але «Акіян» не збіраецца адмаўляцца ад арэнды, як паведаміла мне яго дырэктар. Да таго ж сам «Акіян» не можа здаць памяшканне іншай юрыдычнай асобе.
Емяльянава запэўніла, што крама, за многія гады ўпадабаная мінчанам, не мяняе ні фармат, ні ўласніка, ні арандатара.
Каментары