У сям’і Вадзіма Васільева і Наталлі Юшкінай адбыўся агляд кватэры супрацоўнікамі АУС Савецкага раёна, у міліцыі на Наталлю склалі пратакол па арт. 23.34 КаАП за фотаздымак ля гарадской ялінкі са сцягам БСДП (сямейная пара — сябры гэтай партыі), піша «Гомельская вясна».
У абедзены час на вуліцы Барыкіна Наталлю Юшкіну спынілі два амапаўцы і і павезлі яе дадому, дзе ўжо знаходзіўся ўчастковы іх раёна. Пазней да яго далучыліся два супрацоўнікі ў цывільным. Ёй паказалі пастанову на агляд кватэры ў сувязі з рэпостам, які Наталля зрабіла ў тэлеграме: яна падзялілася фотаздымкам, дзе яна з мужам сфатаграфаваліся са сцягам БСДП. Падчас агляду супрацоўнікі забралі два тэлефоны сямейнай пары і сістэмны блок камп'ютара.
«Падчас допыту яны мне пагражалі, што нас з мужам змесцяць у ізалятар, а нашых малых дзяцей забяруць сацыяльныя службы, — са слязамі на вачах распавядае Наталля. — Таксама дакаралі, чаму я дапамагаю, пішу палітзняволеным (яны знайшлі ў мяне ў тэлефоне паштоўку ад Сяргея Ціханоўскага), а не дзецям-сіротам у прытулках».
Падчас складання пратакола Наталля Юшкіна спрабавала патлумачыць міліцыянеру, што БСДП — легальная беларуская партыя, і яна мае права фатаграфавацца з атрыбутыкай сваёй партыі. Але гэтая аргументацыя не паўплывала на рашэнне міліцыянера скласці пратакол аб адміністрацыйным правапарушэнні.
Агулам яна правяла ў пастарунку 8 гадзінаў.
Цяпер чытаюць
Беларуска арганізавала адпачынак для дзяцей палітвязняў на Лазурным беразе. Яна расказала, як уцякала з краіны і як яе затрымліваў Інтэрпал5
Каментары