Мінабароны пракаментавала сцверджанне BYPOL аб адпраўцы беларусаў у Сірыю
Ініцыятыва сілавікоў BYPOL са спасылкай на ўласныя крыніцы паведаміла, што нібыта беларускія вайскоўцы маюць адправіцца ў Сірыю. Згадвалі нават адпраўку салдат.
Чытайце: BYPOL сцвярджае, што беларускіх салдат адправяць у Сірыю для арганізацыі патрулявання
«Наша Ніва» звярнулася да Мінабароны з просьбай пракаментаваць гэтае паведамленне. Вось які адказ у пісьмовым выглядзе дало ведамства.
«Міратворчасць — адзін са спосабаў рэалізацыі мірных ініцыятыў.
Мы сёння ўдзельнічаем у гэтым працэсе, накіраваўшы афіцэраў у 2 місіі: міратворчую ў Ліване (пад эгідай ААН) і маніторынгавую ва Украіне (у рамках АБСЕ).
Пастаянна вядзём пошук новых напрамкаў, аддаючы прыярытэт гуманітарным місіям.
Гаворка ідзе пра такія задачы, як суправаджэнне гуманітарных грузаў, аказанне медыцынскай дапамогі, гуманітарнае размініраванне мясцовасці і аб'ектаў, патруляванне і забеспячэнне бяспекі пунктаў пропуску і транспартных камунікацый, працы штабных афіцэраў.
У жніўні 2020 мы пашырылі свой удзел у місіі Часовых сіл ААН у Ліване. Дадаткова ў склад італьянскага кантынгенту былі накіраваны 2 штабныя афіцэры.
Цяпер прапрацоўваецца магчымасць далейшага пашырэння ўдзелу ў місіі ў Ліване.
На ўзроўні кансультацый у распрацоўцы знаходзіцца і пытанне аб удзеле нашых вайскоўцаў у місіях у іншых дзяржавах.
Вывучаюцца магчымасці нашага знаходжання ў складзе тых ці іншых кантынгентаў, спосабы выканання задач, пытанні бяспекі і іншае.
Нагадаем, што ў адпаведнасці з беларускім заканадаўствам, для ўдзелу ў дзейнасці па падтрымцы міжнароднага міру і бяспекі накіроўваюцца толькі вайскоўцы, якія праходзяць службу па кантракце і выключна на добраахвотнай аснове.
Акрамя таго, без заключэння міжнародных дамоўленасцей паміж дзяржавамі адпраўка вайскоўцаў за межы Беларусі немагчыма», — напісала афіцыйны прадстаўнік Наталля Гаўрусік.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай39
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2929
Каментары