Беларускі фільм трапіў у праграму Берлінскага кінафестывалю. Яго асноўная частка здымалася пасля выбараў у жніўні
Берлінскі кінафестываль, што гэтым разам раздзеліцца на дзве часткі і пройдзе ў сакавіку і чэрвені, абвясціў праграму. У адну з яго галоўных секцый, Berlinale Special, якую асабіста адбірае дырэктар фестывалю Карла Шатрыян, трапіў дакументальны фільм Аляксея Палуяна «Кураж». Карціна паказвае ў тым ліку беларускія падзеі жніўня.
«Кураж» расказвае гісторыі трох беларускіх акцёраў і дэманструе, што значыць быць незалежным «мастаком» ва ўмовах беларускай дыктатуры. Сваіх герояў Аляксей Палуян здымаў цягам трох гадоў, але падзеі жніўня ў выніку занялі асноўную частку паўтарагадзіннага фільма. З аператарам яны заспелі Стэлу 9 жніўня, Пушкінскую 10 жніўня, выхад вязняў з Акрэсціна ды іншае — група працавала кожны дзень да канца месяца.
Карціна здымалася ў Беларусі і амаль цалкам беларускай камандай, але фінансаванне праекта — выключна нямецкае.
Рэжысёр Аляксей Палуян — беларус, які жыве ў Германіі, — вядомы кароткаметражным фільмам «Возера радасці» паводле аднайменнага рамана Віктара Марціновіча. Стужка пабывала на сямідзесяці кінафестывалях, атрымала каля трыццаці ўзнагарод і ў адпаведнай намінацыі была кваліфікавана на прэмію «Оскар», праўда, у шорт-ліст не трапіла.
Берлінскі кінафестываль — адзін з галоўных кінафестываляў свету, сёлета пройдзе яго 71-я эдыцыя.
-
«Хамнет» і «Бітва за бітвай» выйгралі «Залаты глобус» 2026 года
-
Доліна спявае «За грошы — так», а Шурык прапануе дубайскі шакалад: што за трэш глядзелі ў Новы год беларусы з расіянамі
-
Серыял «Pluribus» — самы няправільны постапакаліпсіс ці нешта большае? Расказваем пра смелы мысленчы эксперымент на ТБ
У загінулай у Сляпянцы дзяўчыне апазналі Яну Кастранкову2
Каментары