З 2 сакавіка пачалі хаваць на мінскіх могілках «Лясныя». У гэты дзень адбылося 12 пахаванняў, паведаміў карэспандэнту агенцтва «Мінск-Навіны» намеснік дырэктара прадпрыемства «Спецкамбінат КБА» Сяргей Тур.
Новы некропаль адміністрацыйна ўваходзіць у склад Заводскага раёна, але фактычна размешчаны за МКАД злева ад аўтамагістралі Мінск — Магілёў непадалёк ад мемарыяльнага парку «Благаўшчына».
Для пахаванняў ужо падрыхтавана 1500 двухмесных участкаў. Усяго «Лясныя» разлічаны на 42,5 тыс. пахаванняў, у тым ліку трох- і чатырохмясцовыя ўчасткі, нішы ў калумбарных сценах для ўрнаў з прахам, участкі для газонных пахаванняў (замест надмагільнага пагорка на выраўнаваную паверхню зямлі, засеяную газоннай травой, укладваецца прамавугольная гранітная пліта пэўнага ўзору, на якую ўсталёўваецца падгалоўнік з тэкстам). Калумбарыі і газонныя ўчасткі плануецца ўладкаваць летам.
З 3 сакавіка ва ўсе дні тыдня будзе арганізаваная праца аўтобуснага маршруту №178Э «АС «Аўтазаводская» — могілкі «Лясныя».
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары