Z 2 sakavika pačali chavać na minskich mohiłkach «Lasnyja». U hety dzień adbyłosia 12 pachavańniaŭ, paviedamiŭ karespandentu ahienctva «Minsk-Naviny» namieśnik dyrektara pradpryjemstva «Śpieckambinat KBA» Siarhiej Tur.
Novy niekropal administracyjna ŭvachodzić u skład Zavodskaha rajona, ale faktyčna raźmieščany za MKAD źleva ad aŭtamahistrali Minsk — Mahiloŭ niepadalok ad miemaryjalnaha parku «Błahaŭščyna».
Dla pachavańniaŭ užo padrychtavana 1500 dvuchmiesnych učastkaŭ. Usiaho «Lasnyja» raźličany na 42,5 tys. pachavańniaŭ, u tym liku troch- i čatyrochmiascovyja ŭčastki, nišy ŭ kałumbarnych ścienach dla ŭrnaŭ z pracham, učastki dla hazonnych pachavańniaŭ (zamiest nadmahilnaha pahorka na vyraŭnavanuju pavierchniu ziamli, zasiejanuju hazonnaj travoj, układvajecca pramavuholnaja hranitnaja plita peŭnaha ŭzoru, na jakuju ŭstaloŭvajecca padhałoŭnik z tekstam). Kałumbaryi i hazonnyja ŭčastki płanujecca ŭładkavać letam.
Z 3 sakavika va ŭsie dni tydnia budzie arhanizavanaja praca aŭtobusnaha maršrutu №178E «AS «Aŭtazavodskaja» — mohiłki «Lasnyja».
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ11
Kamientary