Толькі пятая частка ад неабходнай для ўзвядзення помніка сумы сабраная на сёння. Помнік мае паўстаць у 2010 годзе.
Толькі пятая частка ад неабходнай для ўзвядзення помніка сумы сабраная на сёння. Помнік мае паўстаць у 2010 годзе.
У красавіку 2009 году ў СМІ абмяркоўваліся намеры навагрудскіх уладаў узвесці мемарыял каралю Міндоўгу ў сувязі з тысячагоддзем узгадвання імя Літвы і 965-годдзем Навагрудка. Аўтарам праекту помніка выступіў скульптар Генадзь Буралкін. Святочныя мерапрыемствы ў Навагрудку пройдуць 10-11 ліпеня 2009 году, паведамілі НН у навагрудскім райвыканкаме. У першы дзень пры ўдзеле Нацыянальнай акадэміі навук адбудзецца навукова-практычная канферэнцыя на тэму гісторыі Навагрудка, у тым ліку ў часе Другой сусветнай вайны. 11 чэрвеня тут адсвяткуюць Дзень гораду.
Традыцыйны фестываль сярэднявечнай культуры «Наваградзкі замак», які тут святкуюць ад 2000 году, і які сёлета планавалі спалучыць з Днём гораду, ізноў перанесены.«Не стае сродкаў» — кажа начальнік аддзелу культуры райвыканкаму Аляксандр Карачан. Па яго словах,
не атрымаецца паспець да святкавання і з помнікам Міндоўгу, таму яго ўсталяванне запланаванае ў наступным годзе.«На сёння сабраная прыблізна пятая частка ад неабходнай для ўзвядзення помніка сумы, а ўсяго трэба каля 400 мільёнаў рублёў» — распавёў чыноўнік. Частку грошай вылучылі з гарадскога бюджэту, свой унёсак зрабілі мясцовыя прадпрыемствы і фірмы. «Але трэба разумець, што перад гарадскімі ўладамі стаяць і іншыя задачы — добраўпарадкаванне вуліцаў гораду, рамонт дарог, таму мы будзем толькі рады, калі кожны ахвочы ахвяруе на стварэнне помніка» — патлумачыў Аляксандр Мікалаевіч.
Ён прывёў прыклад з гісторыі гораду, калі ў 20-30 —х гадах мінулага стагоддзя месцічы ўласнымі высілкамі стварылі помнік свайму знакамітаму земляку — насыпалі ў курган у гонар Адама Міцкевіча.І дадаў: «Мы можам аднавіць гэтую слаўную традыцыю і стварыць сапраўдны народны помнік».
***
Сродкі можна пералічыць на разліковы рахунак: «Аддзел культуры Навагрудскага райвыканкама, 231400, г. Навагрудак, вул. Міцкевіча, 9а, р/р 3632000001310 ААТ «ААБ Беларусбанк», код 698, УНП 500031377, ОКПО 02234044, дзейнічае на падставе Палажэння. На выраб помніка Міндоўгу».
Латушка абвяргае абвінавачанні ў харасмэнце ад дэлегаткі КР Карпушонак83
Каментары