Tolki piataja častka ad nieabchodnaj dla ŭźviadzieńnia pomnika sumy sabranaja na siońnia. Pomnik maje paŭstać u 2010 hodzie.
Tolki piataja častka ad nieabchodnaj dla ŭźviadzieńnia pomnika sumy sabranaja na siońnia. Pomnik maje paŭstać u 2010 hodzie.
U krasaviku 2009 hodu ŭ ŚMI abmiarkoŭvalisia namiery navahrudskich uładaŭ uźvieści miemaryjał karalu Mindoŭhu ŭ suviazi z tysiačahodździem uzhadvańnia imia Litvy i 965-hodździem Navahrudka. Aŭtaram prajektu pomnika vystupiŭ skulptar Hienadź Burałkin. Śviatočnyja mierapryjemstvy ŭ Navahrudku projduć 10-11 lipienia 2009 hodu, paviedamili NN u navahrudskim rajvykankamie. U pieršy dzień pry ŭdziele Nacyjanalnaj akademii navuk adbudziecca navukova-praktyčnaja kanfierencyja na temu historyi Navahrudka, u tym liku ŭ časie Druhoj suśvietnaj vajny. 11 červienia tut adśviatkujuć Dzień horadu.
Tradycyjny fiestyval siaredniaviečnaj kultury «Navahradzki zamak», jaki tut śviatkujuć ad 2000 hodu, i jaki sioleta płanavali spałučyć z Dniom horadu, iznoŭ pieraniesieny.«Nie staje srodkaŭ» — kaža načalnik adździełu kultury rajvykankamu Alaksandr Karačan. Pa jaho słovach,
nie atrymajecca paśpieć da śviatkavańnia i z pomnikam Mindoŭhu, tamu jaho ŭstalavańnie zapłanavanaje ŭ nastupnym hodzie.«Na siońnia sabranaja pryblizna piataja častka ad nieabchodnaj dla ŭźviadzieńnia pomnika sumy, a ŭsiaho treba kala 400 miljonaŭ rubloŭ» — raspavioŭ čynoŭnik. Častku hrošaj vyłučyli z haradskoha biudžetu, svoj uniosak zrabili miascovyja pradpryjemstvy i firmy. «Ale treba razumieć, što pierad haradskimi ŭładami stajać i inšyja zadačy — dobraŭparadkavańnie vulicaŭ horadu, ramont daroh, tamu my budziem tolki rady, kali kožny achvočy achviaruje na stvareńnie pomnika» — patłumačyŭ Alaksandr Mikałajevič.
Jon pryvioŭ prykład z historyi horadu, kali ŭ 20-30 —ch hadach minułaha stahodździa mieścičy ŭłasnymi vysiłkami stvaryli pomnik svajmu znakamitamu ziemlaku — nasypali ŭ kurhan u honar Adama Mickieviča.I dadaŭ: «My možam adnavić hetuju słaŭnuju tradycyju i stvaryć sapraŭdny narodny pomnik».
***
Srodki možna pieraličyć na raźlikovy rachunak: «Adździeł kultury Navahrudskaha rajvykankama, 231400, h. Navahrudak, vuł. Mickieviča, 9a, r/r 3632000001310 AAT «AAB Biełarusbank», kod 698, UNP 500031377, OKPO 02234044, dziejničaje na padstavie Pałažeńnia. Na vyrab pomnika Mindoŭhu».
Kamientary