У Санкт-Пецярбургу адразу пасля сутак паўторна арыштавалі беларускіх актывістаў
У Санкт-Пецярбургу паліцыя затрымала грамадзяніна Беларусі Паўла Штанько адразу пасля заканчэння тэрміну яго арышту, паведамляе «Новая газета».
Мужчыну павезлі ў пастарунак, каб скласці пратакол за парушэнне рэжыму знаходжання ў Расіі. Паўла затрымалі, калі ён выйшаў са спецпрыёмніка пасля пяці сутак арышту за арганізацыю несанкцыянаванага мерапрыемства, удакладняюць праваабаронцы.
У нядзелю ў Санкт-Пецярбургу паліцыя таксама затрымала арыштаваную раней грамадзянку Беларусі Жанну Галееву —дзяўчына павінна была выйсці са спецпрыёмніка 28 сакавіка ў 11: 40, але да заканчэння тэрміну яе арышту па актывістку зноў прыйшлі сілавікі.
На Галееву склалі яшчэ адзін пратакол па ч. 2 ст. 20 КаАП РФ — арганізацыя або правядзенне публічнага мерапрыемства без апавяшчэння. Паводле звестак паліцыі, 27 лютага Галеева правяла пікет на Лігаўскім праспекце — акцыя была накіраваная супраць супрацоўніцтва нарвежскай кампаніі Yara з вытворцам мінеральных угнаенняў «Беларуськаліем».
Першы раз суд арыштаваў Паўла Штанько і Жанну Галееву 25 сакавіка. Разам з імі таксама былі арыштаваныя грамадзяне Беларусі Ягор Мякіннікаў, Юлія Штанько і Уладзімір Драгун. Усіх пяцярых прызналі вінаватымі ў парушэнні вызначанага парадку арганізацыі альбо правядзення мітынгу з-за здымкі відэа ў студзені.
На запісе актывісты спяваюць песню, а паміж куплетамі адна актывістка прамаўляе ў падтрымку грамадзян Беларусі і кажа: «Свабоду Навальнаму!»
Некалькі тысяч беларусаў Піцера рознымі спосабамі падтрымлівалі пратэсты супраць фальсіфікацыі выбараў, насілля і беззаконня ў Беларусі.
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?1
Каментары