Украінскія памежнікі на мяжы з Беларуссю пераведзены на ўзмоцнены рэжым нясення службы
Пры гэтым канцэнтрацыі войскаў на гэтым участку ўкраінскай мяжы не фіксуецца, паведамляе РБК-Украіна
Як растлумачылі ў Дзяржаўнай памежнай службе Украіны, узмоцнены рэжым нясення службы прадугледжвае павелічэнне колькасці нарадаў. Таксама максімальна актывізавалі падраздзяленні для адсочвання сітуацыі ў прыгранічных раёнах.
«Наогул гэтаму напрамку надаецца істотная ўвага. Улічваючы цеснае супрацоўніцтва Беларусі з Расіяй, асабліва ў кантэксце згадкі знешняй мяжы Саюзнай дзяржавы Беларусі і РФ», - патлумачыў спікер ДПСУ Андрэй Дземчанка.
Па яго словах, сітуацыя на мяжы з Беларуссю застаецца спакойнай.
«На гэты момант непасрэдна на лініі мяжы або побач з мяжой мы не фіксуем руху ваеннай тэхнікі або канцэнтрацыі ваенных падраздзяленняў. Нестандартных сітуацый пакуль таксама не фіксавалася», — паведаміў Дземчанка.
Каментары