Чэхія запатрабуе ад Расіі дзясяткі мільёнаў даляраў з-за выбухаў у Врбеціцы
Шкоду ад выбухаў на прыватным складзе боепрыпасаў улады Чэхіі ацанілі ў $47 млн, аднак папярэдзілі, што гэта не канчатковая ацэнка. Патрабаваць кампенсацыю яны збіраюцца з Расіі. Пра гэта заявіла міністр фінансаў рэспублікі Алена Шылерава ў эфіры Чэшскага тэлебачання.
«Самы слушны шлях, які, відаць, з'яўляецца шляхам міжнароднай кампенсацыі, у адпаведнасці з міжнародным правам, таму што, калі мы пойдзем па шляху, напрыклад, кампенсацыі шкоды, звязанай з крымінальным судаводствам, гэта будзе вельмі доўга», — сказала яна.
У матэрыяле гаворыцца, што сума прэтэнзій, хутчэй за ўсё, не канчатковая, паколькі ўлады пацярпелага рэгіёна могуць выставіць свае патрабаванні.
Міністр замежных спраў Чэхіі Якуб Кулганек заявіў, што ўлады пададуць заяўку на кампенсацыю цягам найбліжэйшых тыдняў ці месяцаў.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары