Выпадак адбыўся ў пачатку красавіка. 31-гадовага мужчыну за рулём чырвонага «Форда Фіесты» затрымала на трасе М11 міліцыя.
На капоце ў яго была «Пагоня», а зверху ён нанёс дзве белыя палоскі.
«Улічваючы, што падобная сімволіка выкарыстоўваецца пры правядзенні несанкцыянаваных масавых мерапрыемстваў, а таксама канкрэтныя абставіны ў дадзенай сітуацыі (яго дзеянні расцэненыя як пікет) у дачыненні да мужчыны, быў складзены адміністрацыйны пратакол за парушэнне парадку арганізацыі або правядзення масавых мерапрыемстваў», — тады паведамляла прэс-служба УУС.
Хлопца арыштавалі на сем сутак, а машыну, як прыладу здзяйснення правапарушэння, канфіскавалі.
Аднак Гродзенскі абласны суд адмяніў пункт аб канфіскацыі аўто, паведамляе autogrodno.by.
Адзначым, што ў інтэрнэце многіх каментатараў адразу здзівіла рашэнне першага суда, бо артыкул 24.23, па якім судзілі мужчыну, не прадугледжвае пакарання ў выглядзе канфіскацыі прылады здзяйснення правапарушэння.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары