Кіраўнік авіякампаніі Ryanair мяркуе, што на борце самалёта з Раманам Пратасевічам рэйсам Афіны — Вільня, які сеў у Мінску, былі супрацоўнікі беларускага КДБ, піша ТАСС.
У інтэрв'ю радыёстанцыі Newstalk у панядзелак Майкл О'Ліры заявіў, што пасадка самалёта Ryanair, на якім ляцеў Раман Пратасевіч, у аэрапорце Мінска пасля паведамлення аб выбуховай прыладзе на борце была «актам спансіраванага дзяржавай пірацтва».
«Я не магу казаць пра гэта больш падрабязна, паколькі зараз гэтым пытаннем займаюцца ўлады Еўрасаюза і НАТА», — адзначыў О'ліры.
«Здаецца, мэтай уладаў [Беларусі] было затрыманне журналіста і ягонага кампаньёна. Мы мяркуем, што ў аэрапорце з рэйса сышлі таксама некалькі супрацоўнікаў КДБ», — дадаў ён.
Цяпер чытаюць
Мікола Статкевіч павіншаваў беларусаў з Днём Волі, запісаўшы першае ВІДЭА пасля вызвалення7
Каментары