Пра гэта паведамляе выданне «Данбас Сёння» са спасылкай на валанцёра. Афіцыйнага пацвярджэння пакуль няма.
Раней следчых з самаабвешчанай ЛНР на выпадак, калі ў іх «будуць пытанні» да Пратасевіча, запрасіў Лукашэнка. Між тым высокапастаўленая крыніца ў міліцыі ЛНР заявіла, што ў выпадку экстрадыцыі Раману Пратасевічу за «злачынствы супраць чалавечнасці» пагражае расстрэл.
Згодна з арт.7 Крымінальнага кодэксу, «грамадзянін Рэспублікі Беларусь не можа быць выдадзены замежнай дзяржаве, калі іншае не прадугледжана міжнароднымі дамовамі Рэспублікі Беларусь», адзначае Tut.by.
Сам Раман Пратасевіч, адказваючы на пытанне Маркава, ці баіцца ён запыту на экстрадыцыю ў ЛНР, казаў:
«Зразумела. І я адзінае, на што спадзяюся — што ў Аляксандра Рыгоравіча знойдзецца дастаткова палітычнай волі і нейкай рашучасці, каб не выдаць мяне».
Таксама раней Украіна заявіла, што калі да Пратасевіча пусцяць прадстаўнікоў «ЛНР», то Лукашэнку «будзе балюча».
«У нас ёсць дастаткова інструментаў, каб зрабіць людзям і краінам, якія не паважаюць тэрытарыяльную цэласнасць Украіны, балюча. Асабліва калі гаворка ідзе пра Беларусь, з якой у нас шмат сувязяў. У тым ліку і эканамічных. Не буду закідваць пагрозамі, але хачу сказаць, што ёсць рэчы, якія мы не даруем. Непавага да тэрытарыяльнай цэласнасці Украіны — адна з такіх», — сказаў міністр замежных спраў Украіны Дзмітрый Кулеба.
Цяпер чытаюць
«ЗША хочуць нармалізацыі літоўска-беларускіх адносін. Адсюль і рухі з офісам Ціханоўскай»9
Каментары