Упершыню здзейсніў камінг-аўт гулец Нацыянальнай футбольнай лігі ЗША
Гулец у амерыканскі футбол (гэта гульня, блізкая да рэгбі) Карл Насіб прызнаўся, што ён гей.
Фота Wikimedia Commons.
28-гадовы Карл Насіб стаў першым дзейным гульцом НФЛ у гісторыі лігі, які расказаў пра сваю сэксуальную арыентацыю, піша The Guardian.
«Я ўжо даўно збіраўся гэта зрабіць і, нарэшце, адчуваю палёгку, вызваліўшыся ад гэтага цяжару», — сказаў футбаліст у апублікаваным у інстаграме відэа.
Пасля заявы Карла Насіба яго падтрымалі трэнеры, іншыя гульцы, сям’я і яго сябры.
Футбаліст спадзяецца, што ў будучыні працэс камінг-аўту больш не будзе неабходным.
Таксама Карл Насіб адзначыў, што ахвяруе 100 тысяч даляраў на праект, накіраваны на прадухіленне самагубстваў сярод моладзі ЛГБТ у ЗША.
28-гадовы Насіб гуляе ў якасці абаронцы і зарабляе больш за 8 мільёнаў даляраў за год.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары