Перад 1 верасня ўдакладнілі правілы выстаўлення адзнак за чвэрць і за год
З 1 верасня мяняюцца некаторыя аспекты правядзення атэстацыі навучэнцаў, гэта прапісана ў пастанове Мінадукацыі.
Пастанова ўносіць змены ў правілы правядзення атэстацыі ў школах.
Як паведамлляецца ў тэлеграм-канале ведамства, зараз прапісана што «адзнакі за чвэрць выстаўляюцца пры наяўнасці не менш за тры адзнакі (акрамя прадметаў, якія раз на тыдзень)».
«Па прадметах, па якіх прадугледжана бягучая атэстацыя ў пісьмовай або практычнай форме, адзнакі за чвэрць выстаўляюцца пры наяўнасці не менш за адну адзнаку па выніках бягучай атэстацыі ў пісьмовай або практычнай форме», - адзначылі ў Міністэрстве.
Адзнака за чвэрць выстаўляецца як сярэдняе арыфметычнае бягучых адзнак з ужываннем правілаў матэматычнага акруглення. Гадавая — як сярэдняе арыфметычнае адзнак за чвэрць з прымяненнем правілаў матэматычнага акруглення.
Раней у правілах было сказана, што «бягучую, прамежкавую і выніковую атэстацыю па завяршэнні навучальнага года навучэнцаў ажыццяўляюць педагагічныя работнікі, якія выкладаюць адпаведныя навучальныя прадметы».
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1111
Каментары