Цэнтральны банк Афганістана запатрабаваў, каб усе банкі краіны часова ўсталявалі ліміт на зняцце грошай з асабістых рахункаў кліентаў — не больш за 200 даляраў у тыдзень, гаворыцца ў дырэктыве ЦБ, якую цытуе выданне The Khaama Press.
У дырэктыве сказана, што такое рашэнне прынялі на фоне цяжкасцяў, якія ўзніклі ў Афганістане. ЦБ загадаў усім прыватным банкам краіны аднавіць працу і адзначыў, што кліенты могуць ажыццяўляць электронныя пераводы сродкаў.
Дырэктыва выйшла праз некалькі гадзін пасля таго, як сотні людзей выйшлі на вуліцы Кабула, пратэстуючы супраць закрыцця банкаў і пунктаў абмену валюты. Удзельнікі дэманстрацыі прасілі, каб ім выдалі хоць бы частку грошай.
Банкі Кабула перасталі працаваць 15 жніўня пасля таго, як горад занялі баевікі руху «Талібан». Удзельнікі руху раней абвясцілі, што ўсе банкі адновяць працу 25 жніўня, але многія так і засталіся закрытыя.
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына13
Каментары