Ад ІП патрабуюць адкрыць фірмы? У Міністэрстве па падатках і зборах адказалі на чуткі
У сетцы з'явілася інфармацыя, што падатковая нібыта рассылае індывідуальным прадпрымальнікам паведамленні з патрабаваннем зарэгістраваць юрыдычную асобу, каб працягнуць працу. Такія паведамленні з'явіліся на фоне планаў уладаў зрэзаць для ІП падатковыя льготы, а таксама прыпынення рэгістрацыі ІП у Мінску (яе дагэтуль не аднавілі). У Міністэрстве па падатках і зборах пракаментавалі інфармацыю пра рассылку.
— У інтэрнэце асобнымі рэсурсамі распаўсюджваецца інфармацыя аб тым, што нібыта ад імя падатковых органаў індывідуальным прадпрымальнікам прыходзіць рассылка аб неабходнасці рэгістрацыі юрыдычнай асобы для ажыццяўлення прадпрымальніцкай дзейнасці. Міністэрства па падатках і зборах паведамляе, што гэтая інфармацыя з'яўляецца недакладнай. Ніякай рассылкі з падобнай інфармацыяй падатковымі органамі не ажыццяўлялася, — растлумачылі ў ведамстве.
Раней стала вядома, што для індывідуальных прадпрымальнікаў могуць перагледзець падаткі, цяпер улады абмяркоўваюць такую магчымасць. Сярод магчымых варыянтаў — адмяніць адзіны падатак і спрошчанае падаткаабкладанне. Гэтыя магчымыя новаўвядзенні пацягнуць рост падаткаў, а таксама могуць справакаваць скарачэнне колькасці ІП, як прагназуюць самі бізнэсмены. Тым часам у краіне ўжо цяпер становіцца менш прадпрымальнікаў, якія занятыя ў гандлі. Пры гэтым іпэшнікі працягваюць саступаць рынак гандлёвым сеткам.
Тым часам у Мінску па-ранейшаму не рэгіструюць новых ІП, паслуга недаступная з 17 жніўня. У Мінгарвыканкаме раней тлумачылі гэта тэхнічнымі прычынамі.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара37
Каментары