Крыху больш чым за месяц у Беларусі рэгіструюць ужо трэці новы для краіны від птушак. 27 верасня арнітолагам трапілася таўстадзюбая пячураўка, паведамляюць ptushki.org.
Гнездавы арэал гэтай птушкі ад нас далёка: найбліжэйшыя гняздуюцца пад Новасібірскам. У Еўропу памылкова ляцяць некаторыя асобіны, таму еўрапейцы радуюцца кожнай такой сустрэчы. Як жа нашым арнітолагам удалося зрабіць такое адкрыццё?
Літаральна днямі гэты від сфатаграфавалі ў Маскве і зрабілі пост пра гэта ў арніталагічнай групе, — расказаў Дзяніс Кіцель. — Для Масквы такое назіранне таксама незвычайнае. Мы разважылі, што гэтая птушка не можа быць адзінкавая, хутчэй за ўсё, яшчэ ляцяць іншыя таўстадзюбыя пячураўкі. Таму мы паставілі каля сетак, якімі адлоўліваем птушак для кальцавання, калонку з голасам гэтага віду, і дзве ночы спрабавалі завабіць гэтую птушку. Атрымалася.
Пасля зацвярджэння Беларускай арнітафаўністычнай камісіяй таўстадзюбая пячураўка стане 340-м відам у спісе птушак Беларусі.
Цяпер чытаюць
Вызваленым і дэпартаваным ва Украіну палітвязням не аддалі пашпарты9
Каментары