Пенсіянерка з Ваўкавыска перавяла 54 тысячы даляраў на выкуп затрыманага «канадца»
62-гадовая беларуска пазнаёмілася ў інтэрнэце з чалавекам, які заявіў, што жыве ў Канадзе. Незнаёмы паабяцаў прыехаць да каханай у Беларусь. Скончылася гэтая гісторыя тым, што жанчына перавяла за мяжу $54 тысячы, паведамляе УСК Гарадзенскай вобласці.
Пенсіянерцы з Ваўкавыска напісаў нейкі канадзец «з рускай крывёю». Мужчына заявіў, што хацеў яе ўбачыць і адправіўся ў Кіеў, дзе ў аэрапорце быў затрыманы. Каб яго адпусцілі, нібыта трэба было заплаціць буйны штраф.
Для вызвалення жанчына зрабіла некалькі міжнародных пераводаў. Усяго было дзевяць транзакцый, жанчына страціла $54 тысячы.
Дзеці спрабавалі пераканаць жанчыну ў тым, што пераводзіць грошы за мяжу нельга. У міліцыю ў выніку звярнуўся сын пацярпелай. Завялі крымінальную справу па ч. 4 арт. 209 (махлярства, здзейсненае ў асабліва буйным памеры) КК РБ.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»3
Каментары