МЗС Германіі ўзначаліць прыхільніца санкцый супраць Мінска і жорсткага курсу адносна Масквы Аналена Бербак
Партыі-ўдзельніцы будучага ўрада Германіі на чале з сацыял-дэмакратам Олафам Шольцам дамовіліся аб падзеле пасад у кабінеце міністраў. МЗС Германіі узначаліць сустаршыня «зялёных» Аналена Бербак, паведамляе нямецкае тэлебачанне.
У знешняй палітыцы Бербак мае рэпутацыю жорсткага і паслядоўнага праціўніка аўтарытарызму. У тым ліку «зялёныя» з'яўляюцца найбольш актыўнымі крытыкамі аўтакратый у Мінску і Маскве.
Яшчэ ў канцы мая Бербак заклікала пашырыць санкцыі ЕС супраць беларускіх уладаў і ўвесці штрафныя меры ў дачыненні да нафтавай галіны Беларусі. Менавіта «зялёныя» былі найбольш актыўныя ў публічнай падтрымцы беларускай грамадзянскай супольнасці на фоне палітычных рэпрэсій у нашай краіне.
Бербак (як і іншыя «зялёныя») ставіцца да Крамля досыць насцярожана. Напрыклад, яна не падтрымлівае запуск «Паўночнага патоку — 2». На яе думку, гэты праект «супярэчыць еўрапейскім мэтам па абароне клімату і ўсім санкцыям ЕС супраць Расіі». Больш за тое, газаправод «супярэчыць геастратэгічным інтарэсам еўрапейцаў, ён выразна накіраваны супраць Украіны».
Увесну 2021 года, калі Расія ўзмацніла свой кантынгент на мяжы з Украінай, Бербак прапанавала ў адказ узмацніць ціск на Маскву. Крэмль нават спрабаваў перашкаджаць перадвыбарнай кампаніі Бербак. Для гэтага выкарыстоўваліся хакерскія атакі і дэзінфармацыя ў сацсетках.
Цяпер чытаюць
Лукашэнка патлумачыў, чаму яго не відаць па серадах і суботах16
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары