Дзяржпагранкамітэт Беларусі заявіў, што ўкраінскія пілоты парушылі мяжу, і паказаў відэа. Украіна абвяргае
У суботу 4 снежня Дзяржпагранкамітэт Беларусі паведаміў, што падчас вучэнняў, якія Украіна праводзіла на мяжы з Беларуссю, адбыўся інцыдэнт.
«Каля 12-й гадзіны на беларуска-ўкраінскай мяжы ў раёне пункта пропуску «Новая Рудня» Мазырскага пагранатрада зафіксавана парушэнне паветранай прасторы Рэспублікі Беларусь з боку Украіны. Украінскі вайсковы верталёт Мі-8 на вышыні каля 100 м перасёк дзяржаўную мяжу і заляцеў на глыбіню да 1 км на тэрыторыю Беларусі», — сказана ў паведамленні ведамства, да якога таксама прымацавана відэа.
Украіна пра «парушэнне мяжы» з Беларуссю: перасячэння не было
У той жа час у каментары «Украінскай праўдзе» памочнік кіраўніка Дзяржаўнай памежнай службы Украіны Андрэй Дземчанка нагадаў, што з 23 лістапада на мяжы з Беларуссю ідзе Сумесная спецыяльная памежная аперацыя «Палессе», у межах якой прымяняецца авіяцыя і беспілотнікі, але падкрэсліў, што факту перасячэння мяжы з Беларуссю не было.
«У ахове і маніторынгу мяжы актыўна выкарыстоўваецца авіяцыя, аднак тое, што заявіў сёння беларускі бок пра парушэнне паветранай прасторы, не адпавядае рэчаіснасці», — сказаў ён.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары