Вялікая рыба. Глядзіце, якога шчупака злавіў жыхар Баранавічаў
Максім Каваленка злавіў шчупака на 7530 грамаў. Мужчына жыве ў Баранавічах, але часта прыязджае рыбачыць у Слонімскі раён, піша «Слонімскі веснік».
Канкрэтнае месца ўдалага клёву Максім не ўказаў, патлумачыўшы гэта тым, што цяжка знайсці такое «запаветнае».
«Вывуджванне доўжылася 20-25 хвілін, рыбу падводзіў пад бераг каля васьмі разоў, разумеў, што снасць тонкая і спяшацца не трэба, балазе трапляліся ўжо вялікія асобіны па 3-5 кілаграмаў на такое ж абсталяванне. На беразе прымаў рыбу сам, гэта яшчэ дадало адрэналіну. Адразу зразумеў — гэта мой Big fish. Вагі паказалі 7530 грамаў, а гэта на 1030 грамаў больш за майго папярэдняга шчупака», — распавёў Максім.
Каментары