ТОП-5 новых вартых прагляду фільмаў на Netflix, якія выйшлі на гэтым тыдні
На гэтым тыдні Netflix радаваў стужкамі з топавымі акцёрамі і добрым рэйтынгам, якія падыдуць для вячэрніх праглядаў. Рабіце какаву, накрывайцеся пледам і выбірайце фільм з нашай падборкі!
«Не глядзіце наверх»
Жанр: драма аб сацыяльных праблемах, навукова-фантастычны фільм, камедыя.
У ролях: Леанарда Ды Капрыа, Джэніфер Лоўрэнс, Мэрыл Стрып і іншыя.
Рэжысёр: Адам Макей.
Два астраномы адпраўляюцца ў Вашынгтон, каб папярэдзіць чалавецтва аб камеце, якая набліжаецца і неўзабаве знішчыць Зямлю. А чалавецтва ў адказ: «Ну і што?»
Рэкамендавана для гледачоў, старэйшых за 16 гадоў.
«Незнаёмая дачка»
Жанр: драма.
У ролях: Алівія Колман, Джэсі Баклі, Дакота Джонсан і іншыя.
Рэжысёр: Мэгі Джыленхол.
Спакойны водпуск ля мора змяняецца трывожнымі падзеямі, калі жанчына заўважае маладую маці, якая адпачывае на суседняй віле, і на яе абвальваюцца ўспаміны.
Рэкамендавана для гледачоў, старэйшых за 16 гадоў.
«За тысячу кіламетраў ад Раства»
Жанр: рамантычная камедыя.
У ролях: Тамар Новас, Андрэа Рос, Пітэр Вайвз і іншыя.
Рэжысёр: Альвара Фернандэс Армера.
Аўдытар, які цярпець не можа Каляды, едзе ў камандзіроўку ў невялікае мястэчка. Там герой сустракае жанчыну, якая цвёрда вырашыла змяніць яго стаўленне да свята.
Рэкамендавана для гледачоў, старэйшых за 16 гадоў.
«Паляванне»
Жанр: прыгоды, жахі.
У ролях: Бэці Гілпін, Хілары Суэнк, Айк Барынхольц і іншыя.
Рэжысёр: Томас Вінтэрнберг.
У гэтым змрочным сатырычным фільме жахаў прадстаўнікі багатай эліты палююць на звычайных нявінных людзей, пакуль адна з ахвяр не прымушае ўцякаць сваіх пераследвальнікаў.
Рэкамендавана для гледачоў, старэйшых за 16 гадоў.
«Спантаннасць»
Жанр: рамантычная камедыя, навукова-фантастычны фільм.
У ролях: Кэтрын Лэнгфард, Чарлі Пламер, Хэйлі Лоў і іншыя.
Рэжысёр: Браян Дафілд.
Два старшакласнікі пачынаюць жыць поўным жыццём і даведаюцца, што такое каханне, калі іх равеснікі па невядомай прычыне пачынаюць узрывацца. У літаральным сэнсе.
Рэкамендавана для гледачоў, старэйшых за 16 гадоў.
Чытайце таксама: 10 калядных фільмаў, якія варта паглядзець у святы
Сяброўства з гіенай, як выратаваць зязюлю і цудоўная паездка: найлепшыя рэкламныя ролікі да Калядаў і Новага года — 2022
Топ-10 фільмаў за мінулы год па версіі сталічных кінатэатраў
-
Фільм «Класная»: паглядзелі яго, каб зразумець, якімі «яны» хочуць бачыць «нас»
-
Новы фільм з Ды Капрыа ідзе амаль тры гадзіны, а сцэнар да яго пісаўся 20 гадоў. Ці варта глядзець?
-
У Кітаі аўстралійскі фільм пусцілі ў пракат змененым з дапамогай штучнага інтэлекту. Гей-пару ператварылі ў гетэрасексуальную
Цяпер чытаюць
Дзядок патлумачыў, чаму вызвалілі менавіта тых палітвязняў, каго вызвалілі24
Каментары