Кіеўскія фотарэпарцёры зафіксавалі на руцэ патрыярха Кірылы гадзіннік коштам 30 тысяч еўра, класічную мадэль Breguet.
Кіеўскія фотарэпарцёры зафіксавалі на руцэ патрыярха маскоўскага Кірылы, падчас літургіі на Уладзімірскай горцы, гадзіннік маркі Breguet коштам ад 28 да 36 тысяч еўра.
У патрыярха — класічная мадэль Breguet: корпус зроблены з белага золата, раменьчык — са скуры кракадзіла, механізм аўтаматычны, ёсць будзільнік.
Пікантнасць у тым, што разынкай візіту патрыярха ва Ўкраіну стала пропаведзь супраць спажывецтва. Ён назваў яго вялікай пагрозай чалавецтву, прычым вывеў яго карані з Захаду.«Калі ўсё грамадства ўстане на дарогу нястрымнага спажывання, дык зямля наша гэтага не вытрывае. Калі ўсе будуць спажываць, як ЗША, рэсурсаў Зямлі хопіць толькі на 40—45 гадоў, — казаў ён. — Бог проста не даў нам такіх рэсурсаў. Таму вельмі важна навучыцца хрысціянскай аскезе — перамозе над сваімі захапленнямі, інстынктамі… »
Цяпер чытаюць
Мікола Статкевіч павіншаваў беларусаў з Днём Волі, запісаўшы першае ВІДЭА пасля вызвалення1
Каментары