На буйным заводзе ў Барысаве «знік» дырэктар. На прадпрыемстве кажуць аб затрыманні
На Барысаўскім заводзе агрэгатаў «знік» дырэктар Пётр Кацуба. На прадпремстве інфармацыю аб затрыманні Кацубы пацвердзілі, паведаміўшы, што абавязкі дырэктара выконвае галоўны інжынер, паведамляе Zerkalo.io.
Па працоўным тэлефоне Пятра Кацубы сёння ніхто не адказваў. У прыёмнай распавялі, што абавязкі дырэктара выконвае галоўны інжынер Дзяніс Андрэеў.
— Кацуба ўжо не працуе на заводзе, — паведамілі на прадпрыемстве. На ўдакладняючае пытанне, ці не затрыманы кіраўнік, у прыёмнай адказалі сцвярджальна: «Так, гэта не жарт». Пра тое што разам з Кацубам былі затрыманыя яшчэ некалькі работнікаў прадпрыемства, не пацвердзілі.
У прафсаюзе завода ні абверглі, ні пацвердзілі інфармацыю аб затрыманні дырэктара, але паведамілі, што яго абавязкі выконвае галоўны інжынер.
На сайце завода дырэктарам дагэтуль указаны Пётр Кацуба.
Барысаўскі завод агрэгатаў ўваходзіць у холдынг «Аўтакампаненты», якім кіруе ААТ БАТЭ. Рашэнне аб стварэнні холдынгу прынялі ў 2011 годзе. На той момант акцыі Барысаўскага завода агрэгатаў знаходзіліся ва ўласнасці Мінскага маторнага завода (ММЗ).
Завод спецыялізуецца на выпуску ў тым ліку турбакампрэсараў, пнеўмакампрэсараў, вадзяных і аліўных помпаў, фільтраў.
Побач з Лукашэнкам на хакеі з'явілася новая прыгажуня10
Каментары