Прэм'ер Новай Зеландыі адмяніла ўласнае вяселле. Прычына — кавідныя абмежаванні з-за дзевяці новых выпадкаў амікрона
Прэм'ер-міністр Новай Зеландыі Джасінда Ардэрн адклала на нявызначаны тэрмін вяселле са сваім партнёрам Кларкам Гейфардам, ад якога нарадзіла ў 2018-м дачку. Прычына — новыя абмежаванні, якія ўводзяцца ў краіне на фоне распаўсюду амікрона.
Аб пераносе цырымоніі шлюбу палітык абвясціла падчас прэс-канферэнцыі, прысвечанай кавідным абмежаванням. Згодна з новаўвядзеннямі, з 24 студзеня ў краіне ўводзіцца так званы чырвоны ўзровень небяспекі, які прадугледжвае паўсюднае нашэнне масак, а таксама моцна абмяжоўвае колькасць сходаў у грамадскіх месцах.
У краіне зафіксавалі за дзень новыя дзевяць выпадкаў амікрону
На мерапрыемствах можна будзе збірацца ў колькасці не больш за 100 чалавек. Пры гэтым калі ў грамадзян няма сертыфікатаў аб вакцынацыі, ліміт гасцей скарачаецца да 25 чалавек, паведамляе New Zealand Herald.
На пытанне журналістаў, ці не шкада ёй пераносіць уласнае вяселле, Ардэрн адказала: «Такое жыццё. Я нічым не адрозніваюся ад тысяч іншых новазеландцаў, якія адчулі на сабе значна больш разбуральныя наступствы пандэміі, напрыклад, немагчымасць быць з блізкімі, якія цяжка хворыя. Гэта пераўзыходзіць любую журбу, якую я адчуваю».
Паводле звестак Універсітэта Джонса Хопкінса, з пачатку пандэміі ў Новай Зеландыі зарэгістраваныя 15,5 тысячы выпадкаў заражэння каранавірусам. Ад інфекцыі памерлі 52 чалавекі. У краіне зробленыя амаль дзевяць мільёнаў прышчэпак ад кавіду.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads4
Каментары