Палітзняволенаму, які ўжо адбывае паўтарагадавы тэрмін у калоніі, дадалі яшчэ паўгода за каментар
Уладзіміра Ганчарова, палітвязня з Брэста, асуджанага па «карагоднай справе», асудзілі па яшчэ адным артыкуле і павялічылі тэрмін знаходжання ў калоніі, паведамляе reform.by.
Уладзімір Ганчароў раней быў прысуджаны да аднаго з паловай гадоў калоніі па «справе карагодаў» у Брэсце.
А 1 лютага суд Ленінскага раёна Магілёва прыгаварыў яго яшчэ да двух гадоў «хіміі».
Новую крымінальную справу на Уладзіміра Ганчарова завялі за каментар у тэлеграм-канале, прызнаным у Беларусі экстрэмісцкім. Ён быў скіраваны на адрас супрацоўніка ДПС ДАІ з Горак Юрыя Дзям'янавіча. Сваёй віны Ганчароў у судзе не прызнаў.
Шляхам частковага складання пакарання суддзя Аксана Ратнікава канчаткова прысудзіла мужчыну да 2 гадоў пазбаўлення волі ў калоніі агульнага рэжыму.
Нагадаем, што такім жа чынам, другі раз і за каментар, нядаўна асудзілі палітычную зняволеную Вольгу Класкоўскую, яна атрымала два з паловай гады калоніі.
Чытайце таксама:
«Пакінула суд са словамі «Жыве Беларусь». Для ўжо асуджанай Вольгі Класкоўскай пракурор папрасіў 2,5 года калоніі па новай справе
Да 1,5 гады калоніі: у Брэсце асудзілі чарговую партыю па «справе карагодаў»
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары