Пазашлюбны сын Шварцэнэгера зняўся для вядомага часопіса — сацсеткі ў захапленні
24-гадовы Джозэф Баэна, пазашлюбны сын акцёра Арнольда Шварцэнэгера, з’явіўся на вокладцы выдання Men’s Health.
Як і яго зорны бацька, Баэна сур’ёзна займаецца бадыбілдынгам. Вокладку Men’s Health са сваім фота хлопец апублікаваў у Instagram.
Карыстальнікі сацсеткі пакінулі пад фота Баэны сотні каментарыяў, поўных захаплення: «Выліты Шварцэнэгер у маладосці», «Ён самы круты з яго сыноў», «З усіх дзяцей Шварцэнэгера ён больш за ўсё падобны да Арні?». Самому хлопцу таксама спадабалася здымацца для выдання — ён назваў гонарам і удачай тое, што з’явіўся на вокладцы часопіса.
Маці Джозэфа Мілдрэд Баэна была хатняй работніцай Шварцэнэгера. Джозэф распавёў журналістам Men’s Health, што ён не ведаў, хто яго сапраўдны бацька, да 13 гадоў. Калі ж Джозэф атрымаў гэтую інфармацыю, яна змяніла яго свет. Цяпер Баэна і Шварцэнэгер падтрымліваюць даволі блізкія адносіны.
Каментары