15-гадовая ўкраінская гімнастка адмовілася выйсці на подыум з расіянкамі
15-гадовая ўкраінская гімнастка Даніэла Батрона на спаборніцтвах Кубка свету ў Катары асобна выйшла на подыум. Для дзвюх расіянак правялі яшчэ адну цырымонію ўзнагароджання, паведамдяе «Суспільне».
Батрона — адна з самых маладых удзельніц этапаў Кубка свету ў 2022 годзе.
У практыкаванні з рознавысокіх брусоў Батрона атрымала «бронзу», два іншыя медалі ўзялі расіянкі, якім забаронена прадстаўляць сваю краіну, Вікторыя Лістунова і Марыя Мінаева.
Батрона выйшла на ўзнагароджанне з украінскім сцягам і разам з медалём знаходзілася на подыуме для бронзавых прызёраў.
А ўжо пасля яе на подыум выйшлі нейтральныя атлеткі з Расіі. Яны мелі асобны ад украінкі подыум.
Батрона заваявала першы медаль у кар'еры на дарослым узроўні, выйграўшы «золата» на этапе ў Котбусе, пасля чаго адправілася ў Доху (Катар).
Каментары