Бізнэсовец Кайрат Баранбаеў, які валодае франшызамі Mcdonald's у Беларусі і Казахстане, затрыманы ў Алматы, паведамляе выданне КазТАГ са спасылкай на крыніцы ў праваахоўных органах.
Паводле звестак выданняў, бізнэсоўца затрымалі супрацоўнікі агенцтва фінансавага маніторынгу, аднак у чым канкрэтна падазраюць прадпрымальніка, невядома.
Кайрат Баранбаеў уваходзіць у дваццатку найбагацейшых бізнэсменаў Казахстана паводле рэйтынгу Forbes. Ён валодае франшызай Mcdonald's у Казахстане і Беларусі, а таксама дзясяткамі іншых кампаній.
Дачка бізнэсоўца Аліма Баранбаева была замужам за Айсултанам Назарбаевым, сынам Дарыгі Назарбаевай — старэйшай дачкі экс-прэзідэнта Казахстана Нурсултана Назарбаева.
Каментары