Днём прайшлі суды над баранавіцкімі маладафронтаўцамі, затрыманымі ўчора падчас антыкарупцыйнай акцыі. Юнакі былі разгарнулі насупраць мясцовага выканкама расьцяжку «Не — карупцыі!», за што й былі затрыманы міліцыянтамі.
Ноч маладафронтаўцы Арцём Ластавецкі, Пётр Рузаў, Сямён Былінскі й Андрусь Багдановіч правялі ў ізалятары часовага ўтрыманьня.
Днём над затрыманымі хлопцамі прайшлі судовыя працэсы па адміністрацыйным артыкуле 23.34 ч.2 — удзел у несанкцыянаваным пікетаваньні.
Судзьдзі Жырко Тацяна й Аксана Шарахман прысудзілі юнакоў да наступных штрафаў: Ластавецкага й Былінскага — да 140 тысяч рублёў, Рузава — 245 тысяч, Багдановіча, які фатаграфаваў акцыю, — да 175 тысяч.
Каментары