У Дзяржынску больш за тыдзень праводзілася «спецаперацыя» па пошуку «рэйкавых партызан»
Праваабаронцам сталі вядомыя падрабязнасці рэпрэсій у Дзяржынску, дзе больш за тыдзень сілавікі праводзілі рэйд па пошуку «рэйкавых партызан». Мясцовых жыхароў затрымлівалі і змяшчалі ў ІЧУ, у іх дамах ладзілі ператрусы, а некаторых збівалі падчас затрыманняў. У ізалятары іх утрымлівалі ў жорсткіх умовах: у камерах халодна, не выдавалі матрацаў, перадачы не прымалі, паведамляе «Вясна».
Падрабязнасці вядомыя пакуль пра адзін выпадак. Стала вядома, што раніцай 21 сакавіка супрацоўнікі ГУБАЗіКа затрымалі жанчыну, у якой ёсць непаўнагадовае дзіця. У пастанове на ператрус значылася, што крымінальная справа тычыцца чыгуначнай дыверсіі 18 сакавіка на станцыі «Коласава».
У жанчыны забралі тэлефон, а ў РАУСе на яе склалі пратакол па арт. 19.11 КаАП (распаўсюд экстрэмісцкіх матэрыялаў) за перасыл паведамлення з «Хартыі-97» сваёй дачцэ. Суд прызнаў яе вінаватай. У выніку жанчына была пакараная штрафам у памеры 20 базавых велічыняў (640 рублёў).
Раней паведамлялася пра падобныя рэйды і ў іншых населеных пунктах, а ў розных мясцовасцях людзей арыштоўваюць па падазрэннях у дыверсіях на чыгунцы, і ім інкрымінуюцца цяжкія крымінальныя артыкулы.
Чытайце таксама:
Жыхары Стоўбцаў: Выязныя групы ГУБАЗіК і СОБР другі тыдзень тэрарызуюць мясцовых
Арганізацыя былых сілавікоў BYPOL заявіла пра новыя акты сабатажу на чыгунцы. Мэта — запаволіць перасоўванне расійскіх войскаў
З пачатку вайны затрымалі мінімум 8 «рэйкавых партызанаў». Што вядома пра «рэйкавую вайну» ў Беларусі
Затрыманы яшчэ адзін «рэйкавы партызан»
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары