Міжнародным кампаніям, якія не адмовіліся ад працы ў Расіі, на 50% падымуць падаткі ва Украіне
Законапраект аб тым, што міжнародным кампаніям, якія працягваюць працаваць у РФ, на 50% падымуць падаткі ва Украіне, ужо прыняла за аснову Вярхоўная Рада, паведаміў кіраўнік камітэта Вярхоўнай Рады Украіны па пытаннях фінансаў, падатковай і мытнай палітыкі Даніла Гетманцаў.
Законапраект прадугледвае ўвядзенне каэфіцыента 1,5 да ставак падатку на прыбытак прадпрыемстваў, экалагічнага падатку, рэнты і падатку на маёмасць пры падаткаабкладанні ва Украіне міжнародных кампаній, падраздзяленні якіх працягваюць працаваць у Расіі.
Паводле слоў Данілы Гетманцава, гаворка ідзе пра законапраект №7232 «Аб унясенні змяненняў у Падатковы кодэкс Украіны адносна падаткаабкладання суб'ектаў гаспадарання, звязаных эканамічнымі сувязямі з дзяржавай-агрэсарам».
Пад гэты закон, калі ён будзе прыняты, патрапяць такія міжнародныя кампаніі, як Metro, Auchan, Leroy Merlin і іншыя. Яны дагэтуль імкнуцца хоць часткова захаваць сваю прысутнасць у Расіі.
Увогуле ж такіх кампаній цяпер засталося не так шмат, асабліва з ліку тых, якія паходзяць з Захаду. За месяц вайны Расіі з Украінай большасць міжнародных брэндаў прыняла рашэнне аб прыпыненні працы на расійскім рынку.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку68
Каментары