Mižnarodnym kampanijam, jakija nie admovilisia ad pracy ŭ Rasii, na 50% padymuć padatki va Ukrainie
Zakonaprajekt ab tym, što mižnarodnym kampanijam, jakija praciahvajuć pracavać u RF, na 50% padymuć padatki va Ukrainie, užo pryniała za asnovu Viarchoŭnaja Rada, paviedamiŭ kiraŭnik kamiteta Viarchoŭnaj Rady Ukrainy pa pytańniach finansaŭ, padatkovaj i mytnaj palityki Daniła Hietmancaŭ.
Zakonaprajekt praduhledvaje ŭviadzieńnie kaeficyjenta 1,5 da stavak padatku na prybytak pradpryjemstvaŭ, ekałahičnaha padatku, renty i padatku na majomaść pry padatkaabkładańni va Ukrainie mižnarodnych kampanij, padraździaleńni jakich praciahvajuć pracavać u Rasii.
Pavodle słoŭ Daniły Hietmancava, havorka idzie pra zakonaprajekt №7232 «Ab uniasieńni źmianieńniaŭ u Padatkovy kodeks Ukrainy adnosna padatkaabkładańnia subjektaŭ haspadarańnia, źviazanych ekanamičnymi suviaziami ź dziaržavaj-ahresaram».
Pad hety zakon, kali jon budzie pryniaty, patrapiać takija mižnarodnyja kampanii, jak Metro, Auchan, Leroy Merlin i inšyja. Jany dahetul imknucca choć častkova zachavać svaju prysutnaść u Rasii.
Uvohule ž takich kampanij ciapier zastałosia nie tak šmat, asabliva ź liku tych, jakija pachodziać z Zachadu. Za miesiac vajny Rasii z Ukrainaj bolšaść mižnarodnych brendaŭ pryniała rašeńnie ab prypynieńni pracy na rasijskim rynku.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina22
Kamientary