Забег у Варшаве выйграў палітуцякач з Беларусі, баптысцкі пастар Тарас Цялькоўскі
У Варшаве 3 траўня прайшоў традыцыйны забег, прымеркаваны да Дня Канстытуцыі. У забегу на 5 кіламетраў удзельнічалі каля трох тысяч чалавек. У мужчынскім заліку пераможцам стаў беларус Тарас Цялькоўскі, які быў чальцом юніёрскай зборнай Беларусі па лёгкай атлетыцы, піша «Еўрарадыё».
Цялькоўскі — палітычны ўцякач, баптысцкі пастар з Мінску. У Польшчу ён трапіў па гуманітарнай візе.
Беларусы маглі прыняць удзел у забегу пасля падпісання дакумента, што яны выступаюць супраць расійскай агрэсіі ва Украіне. Таксама беларускія бегуны выступалі ў нейтральным статусе.
Сваю перамогу Цялькоўскі прысвяціў народам Беларусі і Украіны, якія выступаюць супраць рэжымаў Расіі і Беларусі.
У 2017 годзе Тарас прабег 500 км за пяць дзён — так ён адзначыў 500-годдзе беларускага друку.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары