Кіраўнік МЗС РФ Сяргей Лаўроў заявіў, што паміж Расіяй і Захадам апускаецца жалезная заслона. Пра гэта ён сказаў ў Мінску, пасля сустрэчы з кіраўніком МЗС Беларусі Уладзімірам Макеем.
«Гэты працэс запушчаны (…). Нічога дзіўнага ў тым, што цяпер гэтыя адносіны адсутнічаюць. Але мы ніколі не зачыняемся. Скажу толькі, што з гэтага часу і надалей ні амерыканцам, ні ЕС мы верыць не будзем, мы будзем рабіць усё неабходнае, каб не залежаць ад іх у крытычна важных галінах», — заявіў Лаўроў.
Пра жалезную заслону сказаў журналістам і Уладзімір Макей.
«Абрысы жалезнай заслоны ўжо не толькі маячаць на гарызонце. Фактычна падмурак яе ўжо ўзведзены. У тым ліку і ў фізічным сэнсе, калі мы возьмем стварэнне сцяны, якая падзяляе Белавежскую пушчу. Палітычныя кантакты абмежаваныя, зведзены на нішто. У гандлёва-эканамічнай сферы на нас аказваецца санкцыйны ціск, разрываюцца створаныя дзесяцігоддзямі сувязі. Нават у тым, што тычыцца адносін паміж грамадзянамі, таксама цяпер ніякіх кантактаў няма з улікам таго, што абмежаваная лагістыка ўзаемадзеяння. Закрытая паветраная прастора для палётаў беларускіх і расійскіх кампаній. Таму жалезная заслона сёння будуецца ўжо самімі заходнікамі», — сказаў міністр.
Генеральны сакратар НАТА Енс Столтэнберг на саміце НАТА ў Мадрыдзе таксама параўнаў адносіны Расіі і краін — членаў альянсу з часамі халоднай вайны.
-
Святлана Ціханоўская паведаміла літоўскім парламентарыям пра рашэнне пераехаць у Польшчу
-
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы
-
«Я — як супервумен». Як былая бібліятэкарка працуе прыбіральшчыцай у Беластоку — як спраўляецца і колькі зарабляе
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы4
Каментары