Знайшлі мёртвым яшчэ аднаго топ-менеджара «Газпрама», ужо пятага за год
У катэджным пасёлку Марскія Тэрасы пад Пецярбургам знойдзена цела бізнэсмена Юрыя Воранава. Ён узначальваў кампанію «Астра Шыпінг», якая спецыялізавалася на падрадах «Газпрама» ў Арктыцы. Воранаў загінуў ад стрэлу ў галаву.
Мужчына ляжаў у басейне з прастрэленай галавой, а побач паліцэйскія знайшлі траўматычны пісталет Grand Power.
Цікава, што гэта ўжо пятая цьмяная смерць буйнога менеджара, звязанага з «Газпрамам», у гэтым годзе.
29 студзеня ў асабняку элітнага катэджнага пасёлка Ленінскі Ленінградскай вобласці быў знойдзены мёртвым 60-гадовы кіраўнік транспартнай службы кампаніі «Газпрам-Інвест» Леанід Шульман.
25 лютага ў тым жа пасёлку загінуў 61-гадовы Аляксандр Цюлякоў — намеснік гендырэктара адзінага разліковага цэнтра «Газпрама».
18 красавіка ў кватэры на Універсітэцкім праспекце Масквы былі знойдзеныя целы былога віцэ-прэзідэнта «Газпрамбанка» Уладзіслава Аваева, а таксама ягонай жонкі і дачкі.
А праз два дні, 20 красавіка, паліцыя Іспаніі выявіла на загараднай дачы труп Сяргея Пратасені, намеснік кіраўніка савета дырэктараў кампаніі «Наватэк». Таксама была знойдзена мёртвай уся ягоная сям'я.
Ва ўсіх выпадках следчыя бачаць прыкметы самазабойстваў, але з-за масавасці з'явы ў многіх узнікаюць сумневы ў гэтым.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы4
Каментары