Культура2121

У Нацыянальным гістарычным музеі прыбралі фігуры Вітаўта і Ягайлы 

Таксама верагодна, што да канца года экспазіцыю пра шляхту заменяць на Расійскую імперыю.

Фота: histmuseum.by

«На Вітаўта і Ягайлу напісалі скаргу. Стыль скаргі быў такі: «што гэтыя польскія акупанты тут робяць?» — кажуць знаёмыя з сітуацыяй.

Пра тое, што збіраюцца прыбраць экспазіцыю, прысвечаную шляхце (яна ў секцыі геральдыкі), «НН» паведаміла адразу нелькі чалавек з культурнай сферы. 

У Нацыянальным гістарычным музеі адказалі, што цяпер на месцы фігур Вітаўта і Ягайла рэканструкцыя Крэўскага замка.

«Экспазіцыя пра геральдыку ў нас на другім паверсе ёсць. Наконт таго, што заменяць на нешта, звязанае з Расіяй, — не ведаю. Магчыма», — адказалі ў музеі, куды мы патэлефанавалі як наведнікі. 

Скульптуры вялікага князя літоўскага Вітаўта і караля Ягайлы былі ўсталяваныя ў музеі ў 2011 годзе.

Вонкавы вобраз Вітаўта быў адноўлены на аснове выявы з асабістай пячаткі князя. За аснову партрэтнай выявы Ягайлы ўзята пластыка надмагілля караля, гарнітур адноўлены па выяве з абраза «Пакланенне трох каралёў». Над партрэтнымі скульптурамі працавалі мастакі Павел Лук і Юры Піскун.

Вітаўт (1350-1430) з'яўляецца адным з самых вядомых кіраўнікоў ВКЛ. Пры ім тэрыторыя княства значна пашырылася — ад Балтыйскага да Чорнага мора. Разам са стрыечным братам, польскім каралём Ягайлам, Вітаўт узначаліў бітву пад Грунвальдам у 1410 годзе, у выніку якой быў разгромлены Тэўтонскі ордэн.

Ягайла (каля 1362-1434), каб даць рады ціску Тэўтонскага ордэна, вырашыў, што ВКЛ неабходны саюз з Польшчай. Дзеля гэтага ён пасватаўся да польскай каралевы Ядвігі. У 1386 годзе ў Кракаве ён быў ахрышчаны па каталіцкіх звычаях і абвянчаны з ёй. Пасля таго Ягайла ахрысціў паводле заходняга (рыма-каталіцкага) абраду і тых жыхароў ВКЛ, якія да таго часу захоўвалі паганства, у тым ліку на тэрыторыі сучаснай Беларусі. 

Менавіта з Крэўскай уніі, заключанай Ягайлам у 1385 годзе, пачаліся стагоддзі інтэграцыі Вялікага Княства Літоўскага і Каралеўства Польскага, вынікам чаго стала стварэнне ў 1569 годзе Рэчы Паспалітай Абодвух Народаў.

Чытайце таксама: 

«У мэтах адарвання ад Расіі». Царская Расія ці лукашэнкаўская РБ: дзе «Нашай Ніве» працавалася лягчэй

«Сістэма абароны Вялікага Княства Літоўскага ў XVI—XVII стагоддзях». Публічная лекцыя Міколы Волкава ВІДЭА

Каментары21

  • Жах
    18.07.2022
    Акупацыйны рэжым, нічога дзіўнага. Пачалі ваяваць з мовай, дзяржаўнымі ды гістарычнымі сымбалямі, потым з магіламі, цяпер залезлі ў музэй ворагаў пашукаць, перайшлі на гісторыю. Усё павінна быць падчышчана.
  • Гэты гэнага піхнуў, гэны паваліўся
    18.07.2022
    Гародненская актывістка напісала? Вярталася з Віцебска пасьля найбуйнейшага музычнага фэсту ў Еўропе, ды вырашыла ў Менску на.раць.
  • AlexxelA
    18.07.2022
    Якое дачыненне мае Вітаўт да Польшчы, скажыце мне хто? Палякі не прапусцілі карону ад Папы Рымскага для каранавання Вітаўта. Падлянку зрабілі такую. Што за імбіцылы такія скаргі пісалі?
    Тут і да кіраўніцтва гістарычнага музэю пытанне, што не змаглі патлумачыць тым "гісторыкам", хто такі Вітаўт. Ці тое кіраўніцтва мо й само складаецца з такіх жа гісторыкаў...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі: Лукашэнку трэба судзіць па лукашысцкіх законах, але пасадзіць на кол30

Ціханоўскі: Лукашэнку трэба судзіць па лукашысцкіх законах, але пасадзіць на кол

Усе навіны →
Усе навіны

Украіна паспяхова атакавала аэрадром Барысаглебск пад Варонежам

Памёр Андрэй Бардухаеў-Арол

Нападніку на Латушку прысудзілі 1400 еўра штрафу і дэпартацыю10

Дапамогу вызваленаму біёлагу Сяргею Шэлегу сабралі за палову дня5

Дзве ўдачы, дзякуючы якім адбылася кар'ера новага прэс-сакратара МЗС Руслана Варанкова17

Адзін з найлепшых расійскіх футбалістаў Смолаў пабіўся ў кафэ з тымі, хто абмяркоўваў яго ВІДЭА2

Пазняк асудзіў Ціханоўскага: Седзячы пяць гадоў, можна было да беларускай мовы звярнуцца107

Чым адрозніваецца бортніцтва ад пчалярства? І чаму вучыліся палякі ў беларускіх бортнікаў1

Мінская школьніца пачала распаўсюджваць наркотыкі 1 верасня, а ўжо на заўтра яе арыштавалі5

больш чытаных навін
больш лайканых навін

Ціханоўскі: Лукашэнку трэба судзіць па лукашысцкіх законах, але пасадзіць на кол30

Ціханоўскі: Лукашэнку трэба судзіць па лукашысцкіх законах, але пасадзіць на кол

Галоўнае
Усе навіны →

Заўвага:

 

 

 

 

Закрыць Паведаміць