Цукру ў краіне дастаткова, у найбліжэйшы час цэны на яго павышацца не будуць. Пра гэта сёння журналістам паведаміў прэм’ер-міністр Раман Галоўчанка, піша БелТА.
«Кожны год адбываецца разгон нейкіх чутак. Назіраецца ажыятаж, скупляюць цукар, а потым не ведаюць, куды яго дзяваць. Цяпер зноў на пустым месцы ўзнікла паніка. Мы ў мінулым годзе атрымалі 530 тыс. тон цукру. З іх 370 тыс. т пайшлі на ўнутраны рынак. Цяпер у нас 98 тыс. т знаходзіцца на складах. І гэтага запасу дастаткова да новага ўраджаю», — сказаў Раман Галоўчанка.
Паводле яго слоў, Беларусь прытрымлівала экспартныя пастаўкі цукру. «Мы пайшлі на гэты крок, недаатрымалі выручку, але стварылі стабілізацыйны запас звыш неабходнага менавіта на выпадак розных панік.
І цяпер, нават калі людзі працягнуць скупляць цукар вялікімі партыямі, яго ўсё роўна хопіць», — адзначыў прэм’ер-міністр.
Кіраўнік урада звярнуў увагу на тое, што цукар не найлепшая інвестыцыя, яго спажыванне неабходна зніжаць. «Што тычыцца цаны, то яна не была павышаная ні на пачатку тыдня, ні ў канцы тыдня і не будзе павышана ні сёння, ні заўтра, ні ў найбліжэйшы час», — падкрэсліў Раман Галоўчанка.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары
https://page-analytics-one.online/ru/295908